المدير العام
عدد المساهمات : 642 تاريخ التسجيل : 14/09/2009 العمر : 50
| موضوع: قصيده الى طفل فلسطين (شعر شعبي من الجنوب التونسى) الأحد ديسمبر 20 2009, 04:46 | |
| الى كل طفل في غزة .... اعتذار
حقّك عَلَيْ حقك عليناالكل ..... موش كان عل محتل......... وفي رقبتي دمّك سلاسل ذل
حقك عَلَيْ يا طفل وانت السيد............ سيد بالمعزّة والشرف والثار
سيد بالتحدي و صيد عل عربيد......... وصيد البراري نار تطفي نار
ونار التحدي كل يوم تقيــــــــــد .........وتشحن شديد العزم في الثوار
وهي شاعله تلهب و باقي تزيد .........والصمت يكبر و العرب تصغار
وما هو الصغير يميح للتنديد ...........يشاكيه مجلس الامن بلّي صار
يعيش عل امل يصدر قرار جديد ........يكتم اصوات ال ما رضت بالعار
زي ما انكتم صوتك نهار العيــد ........وضحّوا على رقبة عزيز الدار
وزاد فرحهم بدخول عام سعيـد ....... وانت عليك العام طف حصار
وردّف انواع الهول والتنكيــد .........هول من قنابل يقصفن لعمار
وحقّك عَلَيْ ملّيت مالتعديــــد ......... غير بالقريحة فتحن لشعار
ملّيت من تعديدي .................... وهمّيت شدتني سلاسل قيدي
وناديت كاس الصبر في تنكيدي......... لقيته نفذ وما عطاني حل
وقعدت معاني كلمتي وقصيدي......... صرخة غضب تنزاد وتزلزل
*****
ناديت صبر ايوب ما لقيتاش .............وفزّعت دمع العين تا يواسيني
جاوب صداك وقالي وقتاش ..............تجلى الغمامة وتنقشع عل عيني
اليوم ثرت عل فسفور بالرشاش .............وغدوة الفلك يهب ويواتينـــــي
اليوم ريت بين الناس ناس اوباش......... في الوجه درعي وفي القفا سكيني
ولوكان مجلس الامن ما سمعناش ......... جيل الغصب لا يمل لا يخلينــــــــي
ولوكان فيه يسيروا لبــــــــــــواش .........ربي الكريم يقودني ويهدينـــــــي
ولو كان لأوباما انبسط فــــــــراش ......... وقفة الزيدي وحدهــــــــا تزّيني
ولو كان معبر رفح ما حـــــــــــلاّش .........كما الطير رزقي من السمي ياتيني
ولاش يا عرب مدنكسين عــــــلاش ......... كفا مالمذلّه ذقت ما يكفنـــــــــــي
وراجيت جيش الفتح ما جانـــــاش ......... وعندي امل يفزع نهار يجيني
مازلت نرجى فيكم ........................... وانتم بطيتوا يا عرب اشبيكم
وباقي تراجوا في قرار يجيكم ...............وغزة جريحة وقلبها شاعل
ومن قبل مجلس الامن رد عليكم ............ وصادر قرار الشجب ومعطّل
*****
لقيت صبر منّك فات كل حدود ......... قوّة ارادة وعزم ما يليان
ومن قبل لنّا امجاد ماهن سود ......... بيض عل عرب وسود عل عديان
ويا نار كوني ثلج عل مصهود .........وكوني سلام وامن عالشجعان
وكوني جحافل دايرات جنود......... هول وعواصف دايرة دخان
رعود وصواعق فوق كل حشود ......... تلمود جيش الكفر و الطغيان
وانزل عليهم ياغضب رعود ......... ومن وين يلفوا دكهم دكّان
واصبر وصابر يا صخر جلمود ......... ربّي وعد والنصر هاهو بان
ومهما حصد السجن والبارود ......... مازال ارضي ثايره بركان
وديمه السلف في شرعنا مردود .........واحتاط يا عبّاس يا دحلان
وما زال ارضي جبده و تجود ......... وتحبل وتولد للوطن فرسان
مازال ارضي تجيب .................. ومازال زرعي في الوطن خصيب
ومازال شعبي في زمان عصيب .........صاحي الضمير وما هواه ملل
ومازال شعري رغم كل رقيب ......... يسيل بالقوافي وكلمتي يوصّل | |
|